سياسه رئيس ...فكر دوله...نظام جمهورى..ولا كوسه شعب

بسم الله الرحمن الرحيم

انا بكتب المقال ده وانا مش مبسوط مش عارف هكون حيادى ولا لاء لكن انا مش هغلط فحد عشان محدش يغلط فينا.
لكن عايز اطرح كام سؤال كدة يمكن يكونوا هما السبب وراء تخلف الشعب

ديما بنقول نبدأ بالفرد صح نقول ان الانسان لازم يصلح من نفسه ثم اسرته ثم المجتمع
انا معاكم بس زمان كانوا بيقولولنا اننا لازم نتعلم كومبيوتر وجنبه لغه انجلزيه او فرنسيه على الاقل ..دلوقتى لو حد يفتح جرنان الجمعه ولا الوسيط ركن الوظائف الخاليه بيكونوا عايزين موظف سوبر لوكس يكون يابانى عايش فأمريكا مع جنسيه المانيه ومذاكر الفرنساوى ومفيش مانع يكون عارف اسبانى عشان يدلع الزبون والله الكلام ده بجد ومن غير مبالغه دلوقتى بيطلبوا عده لغات حيه .وماله مش مشكله

بنقول ان تقدم اى بلد بيرتبط فى كثير من الاحيان بمدى الاستثمارات الخارجيه بها
عشان العمله تخش البلد وتنعنش المسائل ..لكن تعالوا نبعد عن كلام الجرايد ونشوف الحقيقه هنلاقى ان اى شركه تحمل جنبها اسم مصر شايلاه عيائه هتقولى ازاى مثلا الشركه المصريه لتجارة الادويه هنلاقيها انها اتباعت من زمان لعده مستثمرين ولكن طبعا بيستفيدو من احتكارهم للبن المدعم والانسولين المدعم ومن هنا بيعملوا وسيله ضغط كبيره على الصيدليات فى توزيع الادويه ...سيبكم من الموضوع ده انتوا عارفين ان كل المدن الكبيره الجديده فمصر مثلا زى مدينتى وجاردن سيتى والكلام الجميل ده مستهدف بس اكتر من 13 فالميه بحاجة بسيطه فى بلدنا المحروسه طبعا الممول بياخد القروض من البنوك عندنا هنا ليه لانه عايز ينهى بسرعه يكسب بسرعه والبنك يقبض بسرعه بسرعه بالفوايد ...طيب ماشى ياسيدى افرض المبانى دى لم يتم بيعها اللى هيحصل ان البنك هيشيل الخسارة ويشيل خبته التقيله معاه وينهار الاقتصاد بتاعنا هتقولى مهما هيقبضوا على صحاب المشروع وعلى المشروع يافرحتى وبعد ما يقبضوا هيبيعوه برخص التراب ده احنا حكومه واطيه..

تعالو نخش فقضيه تانيه بنك الاسكندريه الحمد لله تم بيعه الجديد بقى انهم عاملين مزايده على بيع 80 فالميه من بنك القاهره الى ان يبيعوه نهائيا كويس والله عال

كل يوم وزير من الوزراء يقول ان الاسمده مدعمه ومفيش غلاء فالاسعار والسعر هينخفض بشكل كبير ونلاقى عكس ده بيحصل ليه لان الحكومه واطيه لتانى مرة ايوة انا اخزن الاسمده فالمستورده فالميناء عشان الاجراءات واحيانا بدون داعى اولا تبوظ الاسمده وتعفن ثانيا التجار بتوع الاسمده يستغلوا ده ويدبحوا ابن الايه الفلاح الغلبان

سيبكم من كل ده المنازل اللى بيبنوها تبع وزارة الاسكان والله انا ما عارف اسمها ايه
اللى المتر فيها ب 70 الى 140 جنيه بس الشقه حوالى 50 متر يعنى اكرملك متعش فيها اساسا

عارفين انا خنقتكم معايا لكن فيه حاجات كتير قوى خنقانى
احنا ازاى هنتغير بسأل نفسى مش عارف والله ساعات بفكر هوه ياربى لو انا كنت غنى ولا كنت مغنى وبتعب وبعرق عشان اجيب القرش هل كنت ساعتها هفكرفحال البلد ولا هقول ادى الهامر وادى الشاليه تفكر يابنى تانى فايه

كلام جاااااااااامد جداااااااااا توبيك تحفة مرسى يا ظاظا

» رئيس الوزراء الاوكراني يطلب تدخل النمسا