روشته روشنه لكل كتكوت رايح الجامعه

كتكوت رايح الجامعه بص يا كوتكوت يا صغير ..بما انك من قهوه كتكوت يعنى احلى كتاكيت فالدنيا لازم تعرف تتعامل عشان ترفع راسنا فالكليه قدام اللى بالى بالك..اوعى تفهمنى غلط

بالنسبه لاول يوم ياعم الحاج بتبقى رايح عايز تتروشن وتنزل على سنجه عشره وتضرب جيل وكاوتش ماركه وحزام ملزق ...كل ده جميل مش وحش بس بص لما بتحاول تأنتك نفسك وتنزل على سنجه عشره بنعرف طوالى انك لسه فسنه اولى لانك احيانا ممكن تبالغ غصب عنك...بص ياسيدى انت هتكوى هدومك وتحضرها زى اى يوم عادى انت بتخرج فيه وهتحضر معاك قلم لانك هتحتاجه خصوصا اول كام يوم عشان تتعرف على المكان..لما تصحى الصبح صلى صلاه الصبح ولو قدرت تصلى الفجر كان احسن طبعا..بعدين استغفر ربنا وادعيه انه يثبتك..لانك لما تروح وتشوف البنات حواليك اشكال والوان وماشيه مع الشباب عادى وهتحس ان ده غريب عليك لان انت مش واخد عليه وكمان هتحس انك مختلف وشكلك غبى مع انه بالعكس انت اللى صح مش هما ..صاحى معايا انت ولا ايه..بص حط فاعتبارك ان الحياه مش كلها بنات لانك فالنهايه هتتجوز واحده بس او بالكتير اربعه ربنا يوفقك...متفكرش انك تعيش قصه حب فالكليه لو القصه دى مش هتوج بارتباط رسمى لانها بقت حكايه بايخه ان الواحد يحب واحده ويسيبوا بعض ...وانت رايح اول يوم حاول تروح مع حد عارف الكليه وانت تعرفه كويس وياريت يكون حد عاقل وهادى ونعم القدوه..يعنى مش تروح مع حد تقولى اصله روش وهيظبطنى ساعتها هتخسر كتير...متسبش نفسك كدة فالكليه على عماك لا روح وأسأل واعرف محاضراتك واحضر اللى تقدر عليه ولو بتشتغل الجزء التانى حاول تظبطه من حد وفالاغلب هيكون من بنت بنت حلال او حد صاحبك بيحضر وكويس...بص من اهم الاشياء فالكليه تبعد عن صحاب السوء اللى انت مفكرهم سر الحياه الجميله وهيه فالاساس تعيسه ..يعنى الشباب اللى بتضرب بيسه وبيشربوا مايه وانت عارف انا اقصد ايه طبعا دول مش هيفيدوك وهيجيبوك ورا واهم حاجة تذاكر سنه اولى وتعدى نظيف لانك لو لقدر الله سقط هيقولوا عليك انك فاشل ومتنفعش فالكليه وهتتخنق من البيت ومش هتطيق تقعد فيه واحتمال تكون مش بتشتغل فهتترمى فحضن صحاب السوء . وخلى مبدا الاعتدال والصراحه هما هدفك فالحياه واعرف انك بيهم هتظبط الكلام ...بص مفيش حد قلبه مش بيدق ناحيه بنت انا عارف ده لكن لازم تفكر بعقلك طيب انت لو حبتها اخر الحب ايه معاك شقه وتقدر تفتح بيت حب يا سيدى لان الحب لازم يتبعه جواز ولو متبعهوش جواز انت هتمل والله العظيم وكمان هتعرف غيرها وغيرها ومش هيبقى ليك نفس للبنات ولما تتجوز مش هتعرف تحب مراتك ..
مجمل اللى عايز اقولهولك خليك جميل وانت ماشى وحاطط البرفام بتاعك بس حاول انك متبقاش بتاع مظهر بس اهتم بجوهرك واستغفر ربنا وانت فطريقك للكليه وانت راجع
وكمان ابعد عن الشهوات والله كل شاب بايظ بتشوفه ابصملك بالعشره يا كتكوت بسبب الشهوات والله العظيم ما بكذب عليك
طولت عليك يا صاحبى
بس والله لمصلحتك
مع الف سلامه وفى رعايه الله

الله عليك يا كتكوت يا كبير هههههههه بجد موضوع جامد الف شكر ليك ياباشا

v i p عدد الرسائل : 669 تاريخ التسجيل : 03/04/2007

هههههههههه كويس انك اتكلمت ف الموضوع ده لان بيبقي فى ناس كتير اوى شايفين نفسهم

ميرسي ليك